Мансап

Бизнестің кеңеюіне және жобалардың ауқымдануына байланысты біз қаржылық және бухгалтерлік функцияны басқаруға, сондай-ақ процестердің тиімді жүргізілуін қамтамасыз етуге дайын тәжірибелі әрі кәсіби Бас бухгалтерді іздейміз.

Міндеттері:

• Толық есеп жүргізу: Компаниялар тобының (ЖШС және АХҚО аумағындағы Жеке компаниялар) бухгалтерлік және салықтық есебін жүргізу;
• Салықтық жоспарлау: Қаржылық және салықтық жоспарлау, салық жүктемесін оңтайландыру, ЕАЭО елдерімен және бейрезиденттермен жасалатын операциялардың салықтық есебін бақылау;
• Есептілік: Салықтық есептілікті (100.00, 150.00, 200.00, 300.00, 328.00 және т.б.), статистикалық есептілікті және ҚР Ұлттық Банкіне ұсынылатын есептілікті уақытылы дайындау және тапсыру;
• Қазынашылық және есеп айырысулар: Банктік шоттарды бақылау, дебиторлық және кредиторлық берешектерді басқару, контрагенттермен тұрақты салыстыру жұмыстарын жүргізу;
• Активтер есебі: Негізгі құралдар, материалдық емес активтер, тауарлық-материалдық қорлар, аз құнды және тез тозатын заттар, сондай-ақ дайын өнім қозғалысының есебін жүргізу;
• Еңбек есебі: Еңбекақыны есептеу (кесімді және мерзімдік төлем жүйелері), сондай-ақ азаматтық-құқықтық шарттар бойынша есеп айырысулар;
• Көшбасшылық: Бухгалтерия жұмысының ұйымдастырылуын қамтамасыз ету, қызметкерлердің жұмысын үйлестіру және команданы басқаруға қатысу.

Кандидатқа қойылатын талаптар:

• Білімі: Бухгалтерлік есеп, аудит, қаржы немесе экономика саласында жоғары білім;
• Тәжірибесі: Бас бухгалтер немесе Бас бухгалтердің орынбасары ретінде кемінде 5-6 жылдық тәжірибе (жер қойнауын пайдалану, қызмет көрсету немесе өндіріс саласындағы тәжірибе артықшылық болып табылады);
• Тілдерді білуі: Құжаттамамен жұмыс істеуге, іскерлік хат алмасуға және шетелдік инвесторлармен тікелей қарым-қатынас жасауға жеткілікті деңгейдегі ағылшын тілі;
• Кәсіби білімдері:
  • ҚР Салық кодексін, Еңбек кодексін, Азаматтық кодексін және ҚЕХС (IFRS) талаптарын терең білу;
  • Валюталық заңнаманы және валюталық операцияларды есепке алу тәжірибесі;
  • Мемлекеттік органдармен және «Даму» кәсіпкерлікті дамыту қорының бағдарламаларымен жұмыс тәжірибесі;
• IT дағдылары: 1С: Бухгалтерия 8.3, Салық төлеушінің кабинеті, СОНО, «Банк-Клиент» жүйелері және MS Excel бағдарламасын жоғары деңгейде меңгеру;
• Сертификаттар: CAP/CIPA немесе ҚР Кәсіби бухгалтер сертификатының болуы құпталады.

Біз ұсынамыз:

• Тұрақтылық: ҚР Еңбек кодексіне сәйкес ресми жұмысқа орналастыру;
• Жұмыс кестесі: 5/2 ыңғайлы жұмыс режимі;
• Даму мүмкіндіктері: АХҚО халықаралық ортасында кәсіби және мансаптық өсу мүмкіндігі;
• Орта: Кәсіби әрі достық ұжым, қызықты ауқымды жобалар және жайлы еңбек жағдайлары.